Celtics triumfojnë në shtesë ndaj Nicks, Shai 42 pikë në suksesin e Thunder ndaj Lakersave
NBA ofroi disa ndeshje emocionuese dhe rezultate të rëndësishme. Kështu Boston Celtics fituan 119-117 ndaj New York Knicks pas kohës shtesë. Në një përballje dramatike në Madison Square Garden, ku Celtics arritën fitoren e katërt radhazi kundër Knicks këtë sezon.
Jayson Tatum shënoi një trepikësh vendimtar për të barazuar rezultatin në sekondat e fundit, ndërsa Kristaps Porziņģis udhëhoqi me 34 pikë dhe tetë trepikësha, duke siguruar fitoren në kohën shtesë.
Orlando Magic fituan ndaj Atlanta Hawks 119-112: Paolo Banchero shkëlqeu me 33 pikë dhe 10 kërcime, duke udhëhequr Magic drejt fitores së tretë radhazi. Kjo fitore i konsolidon në vendin e shtatë në Konferencën Lindore, duke krijuar një diferencë prej dy ndeshjesh me Hawks.
Oklahoma City Thunder – Los Angeles Lakers përfndoi 137-120. Shai Gilgeous-Alexander realizoi 42 pikë, duke ndihmuar Thunder të vendosin një rekord të ri me 65 fitore në sezon. Ndeshja mori një kthesë kur Luka Dončić u përjashtua në fillim të çerekut të katërt pas marrjes së dy gabimeve teknike.
Golden State Warriors triumfuan 133- 95 ndaj Phoenix Suns 95. Warriors dominuan Suns në një fitore bindëse, duke treguar formë të shkëlqyer ndërsa sezoni i rregullt po i afrohet fundit.
Në një zhvillim të papritur, Denver Nuggets shkarkuan trajnerin kryesor Michael Malone dhe menaxherin e përgjithshëm Calvin Booth, vetëm tri ndeshje para përfundimit të sezonit të rregullt. Kjo lëvizje vjen pavarësisht suksesit të mëparshëm të Malone-s, duke përfshirë një kampionat dhe një rekord të fortë këtë sezon.
