Pas projekteve ideore dhe planifikimeve të projekteve të zhvilluar më parë, të cilat kanë qenë të punuara nga të miturit në kuadër të programit UP-SHIFT, të organizuara nga Unicef dhe IPKO-Fondation, 20 të mitur nga QEKL së bashku me mentorët kanë përfunduar fazën e implementimit të projekteve nga teoria në praktikë për programet; Rrobaqepësi, Grafik-Dizajn, Floktari, TI dhe Kulinari, me ç`rast pas përfundimit të këtij projekti janë certifikuar.

Përmes këtyre programeve, të miturit kanë arritur të marrin njohuritë për të vepruar të pavarur në zbatimin dhe implementimin e programeve në fjalë, dhe gjithashtu të përdorin njohuritë në të ardhmen për punësimin e tyre, pse jo të hapin edhe biznese të tyre private.

E me qëllim të rritjes e higjienës dhe parandalimin e infektimit nga pandemia Covid 19 Organizata Unicef  dhe partneret e saj ipkofondation, kanë dhuruar për QEKL-në edhe  material dezinfektues.

Programin UP-SHIFT, së bashku me Unicef dhe IPKO-Fondation është implementuar nga zëvendësdrejtori i QEKL-së z. Fitim Bërbatovci thuhet në njoftimin e Shërbimit Korrektuese të Kosovës.