Komisioni Qendror i Zgjedhjeve (KQZ) ka certifikuar të premten rezultatet e zgjedhjeve për kryetarë të katër komunave veriore. Rezultatet janë certifikuar pasi nuk ka  pasur asnjë ankesë në Panelin Zgjedhor për Ankesa dhe Parashtesa (PZAP).

Në bazë të këtij rezultati, komunë e Mitrovicës Veriut dhe atë të Leposaviqit kanë fituar kandidatët e Lëvizjes Vetëvendosje, konkretisht Erden Atiq dhe Lulzim Hetemi.

Kurse komuna e Zveçanit dhe ajo e Zubin-Potokut janë fituar nga kandidatët e Partisë Demokratike të Kosovës, respektivisht Ilir Peci dhe Izmir Zeqiri.

Zgjedhjet në veri të dielën e kaluar janë mbajtur në mënyrë të qetë.

Ndonëse në aspektin ligjor ato ishin në rregull, kontestimi i tyre po bëhet në aspektin politik për shkak të pjesëmarrjes shumë të ulet të qytetarëve dhe bojkotimit nga komuniteti serb.