Pas fotografisë së përbashkët me liderët të cilët po marrin pjesë në samitin BE-Ballkani Perëndimor, kryeministri i Shqipërisë, Edi Rama, ka ndaluar për pak minuta për të folur me presidentin francez, Emmanuel Macron.

Siç mund ta shihni në fund të videos së mëposhtme, Rama ka përdorur gishtërinjtë e mëdhenj për të numëruar diçka gjatë bisedës me Macronin.

Ndërsa presidenti francez vërehet qartë se po e dëgjon me vëmendje kreun e qeverisë shqiptare.

Nuk dihet saktë se për çka mund të kenë biseduar dy zyrtarët gjatë realizimit të fotografisë së përbashkët në margjinat e samitit BE-Ballkani Perëndimor që po mbahet në Slloveni.