![](https://www.epokaere.com/wp-content/uploads/2021/09/sali-berisha.jpg)
Çfarë ndodh nëse Basha nuk del nga selia më 5 janar? Ja si përgjigjet Berisha
Komisioni për Rithemelimin e Partisë Demorkatike i ka dhënë ultimatum Lulzim Bashës për të liruar selinë e PD-së për dy javë.
Ndërkohë ish-kryeministri Sali Berisha ka treguar se si do të veprohet në rast se kërkesa për të lënë zyrën e kryetarit deri më 5 janar nuk merret parasysh.
“Do ta shoqërojmë paqësisht jashtë selisë. U mblodhëm në protestë, shumë njerëz kishin dëshirë ta nxirrnim nga selia. Jo u thashë, do i çojmë një shkresë. Urdhëro zotëri, liro zyrën. Mund të bëhej më shpejt, por i dhamë kohë. Gjithçka është bërë konform rregullave. A ka Sali Berisha tagër për ta ndaluar këtë? Jo. Është vendim i anëtarësisë. Non grata nuk më komplekson fare. Kam shkuar në gjykatë për këtë. Është e turpshme që ai vë brava për ata që janë 44 mijë firmëtarë të shkarkimit të tij”, ka thënë Berisha në emisionin “Të Paekspozuarit” të Ylli Rakipit në MCN TV.