Wentworth Miller nuk do të luajë më në “Prison Break”.

Aktori ka shuar të gjitha shpresat për këtë në një postim në llogarinë e tij të verifikuar në Instagram, duke thënë se ai është “Zyrtarisht jashtë Prison Break”.

“Thjesht nuk dua të luaj personazhe të drejtpërdrejta. Historitë e tyre janë treguar (dhe thënë)”, shkruan Miller.

“Prison Break” u transmetua në Fox nga 2005 më 2009 dhe u kthye shkurtimisht në rrjet më 2017 për një sezon të pestë.

Që nga ajo kohë, fansat kanë pritur sezonin e gjashtë, por Miller, i cili më 2013 tregoi publikisht se është homoseksual, thotë se nuk do të përfshihet në serial, nëse ndodh sezoni i ri.

“Jo më Michael. Nëse do të ishit fansa të serialit, duke shpresuar për sezone shtesë … Unë e kuptoj që kjo është zhgënjyese”, shkroi ai në Instagram. “Më vjen keq. Nëse jeni të mërzitur dhe shqetësoheni sepse keni rënë në dashuri me një burrë të luajtur nga një homoseksual i vërtetë … Kjo është puna juaj”, përfundon ai.