Përzgjedhësi i Kosovës në futboll, Bernard Challandes ka rezultuar pozitiv në testin për Covid-19.

Ndeshjen e sotme të Kosovës ndaj Shqipërisë e drejton Muharrem Sahiti, raporton Epoka e re.

Njoftimi i plotë i FFK-së:

Pas kryerjes së testit për COVID-19, përzgjedhësi i Kombëtares, Bernard Challandes  dhe njëri nga pjesëtarët e tjerë të stafit (menaxheri i pajisjeve), kanë rezultuar pozitiv.

Ata tashmë janë izoluar nga pjesa tjetër e ekipit deri në testin e radhës, që është programuar për të enjten për ndeshjen kundër Sllovenisë.

Kësisoj, ndeshjen e sotme miqësore kundër Shqipërisë do ta drejtojë ndihmëstrajneri i parë, Muharrem Sahiti.