Chelsea ka fituar në udhëtim te West Ham United me rezultat 3-0 në ndeshjen e vlefshme për javën e pestë në Ligën Premier.

Ekipi i Enzo Marescas ka vazhduar me formën e mirë në Ligën Premier duke marrë edhe fitoren e tretë nga katër ndeshjen e fundit, pasi mposhti rivalët londinez.

Pjesa e parë e ndeshjes u karakterizua u lojë më të mirë dhe më bindëse nga Blutë, të cilët përveç rasteve arritën të shënojnë edhe dy gola.

Goli i parë erdhi në minutën e katërt të ndeshjes me anë të Nicolas Jackson, i cili shënoi për 0-1 pas asistimit të Jadon Sanchos.

I njëjti lojtar shënoi edhe në minutën e 18-të për epërsinë 0-2, kësaj radhe nga asistimi i Moises Caicedo dhe me këtë rezultat ekipet shkuan në pushim.

Në pjesën e dytë, ekipet ishin të barabarta, duke krijuar raste të dyja, por më konkret ishin përsëri vetëm mysafirët, të cilët gjen edhe një herë rrjetën për të vulosur fitoren e madhe.

Ishte ylli i skuadrës, Cole Palmer, i cili në minutën e 47-të shënoi pas asistimit të Jackson për 0-3 dhe përkundër shumë rasteve deri në fund, ndeshja u mbyll me fitoren e Chelseat 3-0.

Pas kësaj fitore, Blutë ngjiten në pozitën e dytë me 10 pikë, ndërsa Çekanët zënë vendin e 14-të me katër pikë.

Në ndeshjen e radhës, Chelsea e pret në shtëpi Brightonin, ndërsa West Hami udhëton te Brentfordi.