Dueli Liverpool-Chelsea nuk mund të jetë asnjëherë bajat.

Edhe në rastin kur luhet për Kupën e Ligës, dhe trajnerët vendosin të hedhin në fushë lojtarë që kanë patur më pak minuta në dispozicion. Dueli ndërmjet skuadrës së jurgen lop dhe bluve të Mauricio Sarrit dhuroi gola dhe emocione.

Liverpooli shënoi me Starixh në minutën e 58-të, por Chelsea gjeti forcat dhe jo vetëm që u kthye në lojë me golin e barazimit të Emerson në të 79-ën, por përmbysi rezultatin me Eden Hazard, të aktivizuar nga stoli.

Ylli i bluve të Londrës shënoi 5 minuta përpara fundit të kohës së rregullt, duke i dhënë suksesin skuadrës së tij, ndërsa te “Reds” aktivizimi shumë i vonë i yllit egjiptian, Muhamed Salah u realizua shumë vonë për të evituar humbjen. Chelsea kualifikohet më tej, ndërsa Liverpoolit i mbetet të përqendrohet te kompeticionet e tjerë.