Skuadra e Chelseat e ka shkarkuar trajnerin Thomas Tuchel. Lajmi është bërë i ditur tani nga vet klubi londinez përmes një komunikate për media.

Chelsea nuk e ka nisur mirë sezonin në premier Ligë, kurse ka pësuar humbje edhe në ndeshjen e parë të Ligës së Kampionëve nga Dinamo Zagreb.

Tuchel ishte në krye të Chelsea prej vitit 2021 ndërsa arriti të drejtonte skuadrën në një sukses të madh si triumfi në Champions League në sezonin 2020-2021 ndërsa ia doli të siguronte edhe trofeun e SuperKupës së Europës dhe Botërorit për Klube.

Klubi i Chelsea ka falënderuar Tuchel për kohën e shpenzuar në krye të skuadrës ndërsa theksohet se stafi teknik do të marrë përsipër drejtimin e ekipit deri në emërimin e një trajneri tjetër.