Ambasadorja e Kosovës në SHBA, Vlora Çitaku, ka thënë se komuniteti shqiptar në SHBA ka dhënë një kontribut jashtëzakonisht të madh në Amerikë.

Në një intervistë në, Ora Shtatë, në Klan Kosova, Çitaku ka thënë është një barrë e rëndë të jesh ambasadore e një vendi të vogël një një vend të madh siç është Amerika.

“Kemi një komunitet shqiptar jashtëzakonisht aktiv dhe të suksesshëm. Bile shqiptarët edhe kur ka ndodhur lufta kanë dhënë edhe jetën e tyre. Kemi rastin e vëllezërve Bytyçi që kanë ardhë nga Amerika për të luftuar në Kosovë”.

Çitaku ka theksuar se shqiptarët në Amerikë mbajnë pozita të rëndësishme.

“Vetëm në zgjedhjet lokale i kemi 6 shqiptarë që kanë fituar atje. Ne duhet ta mirëmbajmë këtë miqësi në vazhdimësi. Liria dhe pavarësia jonë është produkt i rezistencës sonë, por do ishte e vështirë të arrihet pa miq. Kemi pasur fat që jemi në realicone të shkëlqyera me SHBA-në, por ky relacion duhet të të kultivohet”.