Ish-ambasadorja e Kosovës në Shtetet e Bashkuara të Amerikës (ShBA), Vlora Çitaku, ka kërkuar nga institucionet përgjegjëse që t’i publikojnë emrat e çdo dhunuesi seksual.

Ajo ka thënë se një gjë e tillë ndodh edhe në ShBA, shkruan “Epoka e re”.

“Emrat. Jo inicialet. Emrat.  Emrat e dhunuesve duhet publikuar. S’ka privatësi aty. Në ShBA p.sh, dhunuesit e kësaj natyre (sex offenders) hyjnë në listë e cila është publike, dhe sa herë që lëvizin apo ndërrojnë vendbanim duhet të lajmërojnë autoritetet e lagjes, dhe komuniteti njoftohet për vendbanimin e tyre.  Kjo është çështje e interesit publik”, ka shkruar Çitaku në llogarinë e vet në “Facebook”.

Kohëve të fundit në vendin tonë janë shtuar rastet e dhunës seksuale.