Nënkryetarja e PDK-së, Vlora Çitaku, ka theksuar se kryeministri Kurti nuk e ka palë opozitën në negociata.

“Kryeministri në negociata e ka përballë Serbinë, dhe emisarët në mes. Me ta duhet të negociojë. Jo me ne. Atyre duhet thënë kushtet, e jo neve”, ka shkruar Çitaku në “Facebook”.

Ajo ka theksuar se Për PDK-në, interesi i Kosovës është gjithmonë para kundërshtive të brendshme.

“Për dallim nga kryeministri, PDK-ja është konsistente për dialogun. Ne mbështesim një marrëveshje gjithëpërfshirëse e cila në qendër ka njohjen reciproke. Ndërkohë, për kryeministrin, ballafaqimi me arkivat e lajmeve dhe rrëfimeve që i ka ndërtuar vet, duket të jetë më i vështiri”, ka deklaruar Çitaku.