Ambasadorja në detyrë e Kosovës në Uashington, Vlora Çitaku, ka reaguar pasi Gjykata e Lartë në Beograd, i ka dhënë të drejtë Aleksandër Vulinit për përdorimin e termit fyes “shiptari”.

Çitaku ka thënë se me këtë vendim, gjykatat në Serbi kanë vulosur racizmin ndaj shqiptarëve.

“Gjykatat në Serbi vulosën racizmin ndaj shqiptarëve. E papranueshme, por jo befasuese. Kjo nuk është dhe nuk duhet të mbetet vetëm betejë e shqiptarëve të Luginës”, ka shkruar ajo në rrjetet sociale.

Edhe deputeti Shaip Kamberi ka mbajtur një fjalim në Parlamentin e Serbisë, ku ka thënë se me këtë veprim gjykata e këtij shteti e ka legalizuar termin ofendues “shiptari”.