City barazon me WBA-në
15 dhjetor 2020
| 23:01
Manchester City nuk ka arritur të arkëtojë pikët e plota në shtëpi ndaj West Bromit në xhiron e 13 në Premier Ligë.
Skuadra e Pep Guardiolas barazoi me rezultat prej 1 me 1.
Mesfushori Gundogan ishte ai që i dha epërsinë Manchester Cityt duke shënuar në minutën e 30 pas asistimit nga Raheem Sterling.
E një autogol nga Diasi në minutën e 43 barazoi shifrat në 1 me 1, që ishte rezultati final i këtij takimi.
Me këtë barazim City arrin në kuotën e 20 pikëve, derisa WBA-ja në vendin e 19-të ka vetëm 7 pikë.