Juventusi dominoi dhe në këtë sezon Serie A, duke mos njohur asnjë rival. Megjithatë, suksesi në Ligën e Kampionëve mungoi sërish dhe te “Zonja e Vjetër”, ka nisur revolucionin.

Trajneri Allegri u largua nga kreu i bankinës dhe tash mund të largohet edhe Joao Cancelo. Mbrojtësi i djathtë pëlqehet shumë nga Pep Guardiola dhe siç raportojnë mediat britanike, është bërë një ofertë zyrtare për shërbimet e Cancelos.

Plot 53 milionë sterlina ka qenë oferta e parë e “Qytetarëve”, që kërkojnë me doemos të përforcojnë prapavijën. Juventusi nuk do që të privohet nga shërbimet e Cancelos, por një ofertë e tillë, vështirë të refuzohet.