Manchester City ka arritur që të marrë një fitore 2-0 ndaj Everton, por ka vuajtur jo pak.

“The Citizens” triumfuan në Etihad Stadium falë një dygolëshi të Erling Haaland në minutën e 71 dhe 85.

Në momentin e golit të parë, norvegjezi përfitoi nga një goditje këndi dhe me topin e gjendur në zonë goditi fort për të mposhtur portierin Pickford.

Deri në atë moment, të besuarit e trajnerit Pep Guardiola pavarësisht epërsisë territoriale nuk ia kishin dalë të krijonin raste të pastra. Megjithatë, goli i Haaland erdhi në kohën e duhur teksa në minutën e 85, 23-vjeçari shënoi edhe të dytin pas asistit të De Bruyne.

Manchester City ngjitet në krye të Premier League, me një pikë më shumë se Liverpool, teksa të kuqtë luajnë në shtëpi ndaj Burnleyt.