Manchester City është duke u përgatitur për transferimin e Leo Messit në muajin janar, raporton “The Telegraph”.

City kërkon të përfitoj nga kriza totale që ka mbërthyer ekipin blaugrana, pa president dhe në prag të kolapsit financiar.

Të dhënat e radhës erdhën pak ditë më parë nga vetë drejtori i operacioneve financiare në klubin e Manchester Cityt, Omar Berrada: “Është një talent i jashtëzakonshëm, mund të ketë një impakt shumë domethënës në çdo klub të botës, brenda dhe jashtë fushe. Është futbollisti më i mirë në botë, më i miri në gjeneratën e tij. Mendoj se çdo klub në botë do ti pëlqente ta kishte në dispozicion. Nëse Messi vendos të largohet nga Barcelona do ta marrim në konsideratë mundësinë për ta transferuar”.