Disa artistë të rinj kanë arritur të hyjnë brenda pak muajsh në tregun muzikor shqiptar, kryesisht në fushën rapit, çka tregon se ka nisur zëvendësimi i brezit të reperëve që dominuan fillimin dhe mesin e viteve 2000.

Një prej artistëve të rinj është edhe Eraldi, shqiptari i lindur në Itali, i cili së fundmi ndodhet shpesh në vendlindjen e prindërve për ta realizuar ëndrrën e tij, të bëhet një artist i suksesshëm.

“Classy” është kënga më e re që publikon Eraldi. Karrierën e ka nisur duke bashkëpunuar me njerëz ndër më të rëndësishmit në botën e muzikës, si Dj A-Boom dhe videomakeri Alban Selimaj.