Vijon momenti i mirë në NBA për ekipin e Lakersave, që mposhti me rezultat 136-115 New Orleans, duke korrur suksesin e shtatë radhazi. LeBron James me 34 pikë e Luka Donqiq me 30 pikë e 15 asistime shkëlqyen për kalifornianët. Fitore në sekondat e fundit për Toronton, që mundi me rezultat 114-113 Orlandon, ndeshje ku u dallua RJ Barrett me 21 pikë, ndërsa 41 pikët e Paolo Banchero mbetën për statistikë.

Skuadra e Phoenixit, falë 34 pikëve të Kevin Durant mposhti me rezultat 119-117 Clippersat. Edhe Golden State po ngjit shkallët në renditje, duke mposhtur me rezultat 114-102 New Yorkin. Stephen Curry me 28 pikë ishte lider për Warriors.

Jashtë fushe triumfon edhe Milwaukee, që mundi me rezultat 127-121 Atlantan. Antetokounmpo realizoi një “triple double”, me 26 pikë 12 rebound e 10 asistime.

Clevelandi bëhet skuadra e parë që siguron një vend në “play-off”, duke mundur me rezultat 139-117 Chicagon. Donovan Mitchell me 28 pikë e Jarrett Allen me 25 pikë ishin liderë në fushë. Minnesota mposhti me rezultat 126-112 Philadelphian, me shtatë lojtarë që realizuan mbi 10 pikë.

Rezultatet

Indiana – Houston                   115-102
Orlando – Toronto                   113-114
Atlanta – Milwaukee                121-127
New York – Golden State        102-114
Chicago – Cleveland                 117-139
Minnesota – Philadelphia       126-112
San Antonio – Brooklyn          127-113
Phoenix – Clippers                   119-117