Tjetër fitore në kampionat për Cleveland, skuadra që udhëheq renditjen e NBA këtë sezon. Cavaliers ka fituar me rezultat 129-123 ndaj Memphisit në fund të një ndeshje të ekuilibruar. Donovan Mitchell me 33 pikë dhe Evan Mobley me 25 pikë e 13 rebound u dalluan për Clevelandin.

Të njëjtin ritëm ndjek edhe skuadra e Oklahomës, që udhëheq në Perëndim. Ata fituan me shifrat 130-123 në fushën e Minnesota, ku sërish protagonist ishte Alexander Shai, me 37 pikë. Fiton Toronto, 127-109 ndaj Phoenixit, ndeshje ku Barrett, Quickley e Boucher realizuan nga 23 pikë secili për kanadezët.

Fitore edhe për Golden State, që falë 30 pikëve të Curry mundi Dallasin (126-106). Nuk zhgënjen skuadra kampione e Bostonit, që triumfoi me rezultat 118-105 ndaj New York, takim ku dyshja Tatum-Brown realizuan 49 pikë së bashku. Skuadra e Milwaukee, falë 28 pikëve të Lillard e 23 të Antetokounmpo, mundi me rezultat 120-113 Miami.

Rezultatet

Boston – New York                    118-105
Golden State – Dallas                126-102
Indiana – Clippers                      129-111
Atlanta – Detroit                         143-148
Milwaukee – Miami                    120-113

Orlando – Washington                110-90
Toronto – Phoenix                        127-109
Cleveland – Memphis                  129-123
New Orleans – San Antonio       114-96
Minnesota – Oklahoma               123-130