Clevelandi mbetet i pamposhtur në NBA, duke korrur suksesin e 15-të radhazi. Cavaliers fituan me rezultat 128-114 ndaj Charlotte (4 lojtarë realizuan mbi 20 pikë), duke u bërë skuadra e katërt në historinë e NBA-së që regjistrojnë këtë rekord (15 fitore, 0 humbje) në startin e një sezoni.

Skuadra e Memphisit arrin të mposhtë me rezultat 104-90 Denverin, ndeshje ku për vendasit u dallua Jaren Jackson me 20 pikë. Fitore në sekondat e fundit korri Dallasin, që mundi me rezultat 121-119 Oklahomën. Vendimtar stoli i ekipit teksan, nga ku erdhën 50 pikë, ndërkohë që P.J.Washinton me 27 pikë ishte lider. Pa probleme fiton ekipi i Clippers, që falë 22 pikëve të Zubac e 20 të Harden mundi me shifrat 116-105 Utah Jazz.

Triumfon edhe ekipi i Houstonit, që mundi thellë me shifrat 143-107 Chicagon jashtë fushe (7 lojtarë me nga 10 pikë), ndërsa Portlandi mundi me rezultat 114-110 Atlanta, ndeshje ku u dallua Sharpe me 32 pikë.

Rezultatet

Cleveland – Charlotte      128-114
Memphis – Denver          105-90
Portland – Atlanta            114-110
Washington – Detroit       104-124

Chicago – Houston          107-143
New York – Brooklyn      114-104
Oklahoma – Dallas          119-121
Clippers – Utah Jazz        116-105