NBA është rikthyer në fushë pas pushimit për shkak të “All Star Game”. Skuadra e Clevelandi vijon të ketë frenat e renditjes në dorë pas fitores me rezultat 110-97 në fushën e Brooklynin. Donovan Mitchell me 26 pikë ishte më i miri për Cavaliers.

Fiton edhe skuadra e Milwaukee, që mundi me rezultat 116-110 Clippersat në një përballje të ekuilibruar. Antetokounmpo me 23 pikë e Lopez me 22 u dalluan për Bucks. Fiton edhe Denveri, 129-115 ndaj Charlotte, ndeshje ku diferencën e bëri dyshja Jokiq-Murray, që realizuan 63 pikë së bashku. Skuadra kampione e Bostonit fitoi me shifrat 124-104 ndaj Philadelphias, duke qenë në vendin e dytë në Lindje.

Pritchard me 28 pikë, që e nisi ndeshjen nga stoli, u kthye në lider për Celtics. Ekipi i Lakersave arrin një fitore të vështirë ndaj Portlandit jashtë fushe me shifrat 110-102. LeBron James ishte magjik, duke realizuar 40 pikë. San Antonio mundi me shifrat 120-109 Phoenix, sfidë ku u dallua Fox me 26 pikë.

Rezultatet

Indiana – Memphis        127-113
Philadelphia – Boston    104-124
Atlanta – Orlando           108-114
Brooklyn – Cleveland     97-110

New York – Chicago        113-111
Milwaukee – Clippers     116-110
Denver – Charlotte          129-115
San Antonio – Phoenix   120-109
Portland – Lakers            102-110