Ish-presidenti i Shteteve të Bashkuara të Amerikës (ShBA), Bill Clinton, gjatë takimit me presidentin Hashim Thaçi, e ka kujtuar takimin e parë me të, duke thënë se ka qenë i impresionuar që Thaçi ishte ri, por i mirë me armë.

“Isha i impresionuar nga mosha e tij e re, por ishte i mirë me armë. Në anën tjetër kam qenë i mahnitur me urtësinë e tij dhe qëllimet paqësore, teksa ka qenë kryeministër dhe tani si president”, ka thënë Clintoni pas pranimit të “Urdhrit të Lirisë” nga presidenti Hashim Thaçi.