Ekipi i Clippersave fitoi rezultat 116-102 ndaj Lakersave në derbin e Los Anxhelos. Tri lojtarë të Clippersave realizuan mbi 20 pikë (Powell 22 pikë, Zubac e Harden nga 21 pikë secili), duke i bërë të pavlefshme 25 pikët e James për Lakersave.

Kampionët e Denverit fituan me rezultat 113-100 në fushën e Orlandon, me Jokiq protagonist, autor i një “triple double” (20 pikë, 14 rebound, 10 asistime). Fiton edhe Miami, 128-107 ndaj San Antonion, sfidë ku 71 pikë erdhën nga lojtarët e stolit.

Oklahoma mbetet skuadra më e mirë në Perëndim, duke fituar me rezultat 127-101 ndaj Brooklynit, ndeshje ku dyshja Shai-Joe realizoi 51 pikë se bashku. Ndërsa ekipi i Milwaukee, falë 34 pikë e 15 rebound të Antetokounmpo, mundi me shifrat 123-109 Philadelphia.

Rezultatet

Miami – San Antonio                  128-107
Orlando – Denver                        100-113
Milwaukee – Philadelphia          123-109

Oklahoma – Brooklyn                  127-101
Clippers – Lakers                          116-102
Portland – Chicago                       113-102
Sacramento – Washington          123-100