Golden State është mundur në sekondat e fundit me rezultat 102-99 nga Clippersat, një përballje mes dy ekipesh pretendente në Perëndim. Curry realizoi 26 pikë, por që s’mjaftuan për të fituar, ndërsa për Clippersat 47 pikë erdhën nga lojtarët e stolit.

Rikthehet te fitorja Miami, që mposhti me rezultat 106-89 Philadelphian. Jimmy Butler me 30 pikë e 10 rebound ishte lider në fushë për skuadrën nga Florida.

Në sekondën e fundit fiton edhe Milwaukee, që mundi me rezultat 101-100 Houstonin. Lopez realizoi 27 pikë për Bucks, mbështetur edhe nga Antetokounmpo me 20 pikë e 1 rebound. Surprizon Orlando, që fitoi me rezultat 109-99 në fushën e Phoenixin, sfidë ku për miqtë u dallua Wagner, autor i 32 pikëve.

Rezultat

Detroit – Chicago               112-122
Miami – Philadelphia       106-89
New York – Washington  134-106
Toronto – Indiana             130-119

Milwaukee – Houston      101-100
Phoenix – Orlando            99-109
Sacramento – Atlanta       108-109
Clippers – Golden State   102-99