Clippersat regjistrojnë fitoren e shtatë radhazi
Los Angeles Clippers ka regjistruar një tjetër fitore në NBA, të shtatën radhazi. Skuadra nga Kalifornia ka triumfuar në “Staples Center” përballë Oklahoma City Thunder me tetë pikë diferencë 108-100.
Kawhi Leonard ka qenë më i merituari për këtë fitore me 34 pikë, nëntë kërcime e tetë asistime. Pas amerikanit më efikasi ishte Serge Ibaka me 17 pikë, derisa me pikë dyshifrore ndeshjen e mbyllën edhe Jackson, Paul George dhe Ivica Zubaq.
Gilgeous-Alexander me 23 pikë dhe Hill me 22 tjera ishin më efikasit tek mysafirët, por që nuk mjaftuan për fitore. Me fitoren ndaj OKC, Clippers ngjitën në krye të tabelës së bashku me rivalin lokal Lakers me nga 13 fitore e katër disfata. Në anën tjetër Oklahoma City Thunder ndodhet në vendin e 12-të në Konferencën e Perëndimit me gjashtë fitore e nëntë humbje.
Ndeshjen e radhës Clippers e zhvillojnë në udhëtim te Atlanta Hawks, derisa OKC luan te Portland Trail Blazers.
Rezultatet
Indiana Pacers – Toronto Raptors 102-107
LA Clippers – Oklahoma City Thunder 108-100
Boston Celtics – Cleveland Cavaliers 141-103
Orlando Magic – Charlotte Hornets 104-107
Milwaukee Bucks – Atlanta Hawks 129-115
San Antonio Spurs – Washington Wizards 121-101
Portland Trail Blazers – New York Knicks 116-113