Mediumi amerikan i njohur globalisht “CNN” ka raportuar në lidhje me sulmin në kanalin e Ibër-Lepencit në Zubin Potok.

Një shpërthim të premten në mbrëmje dëmtoi një kanal në veri të Kosovës që furnizonte me ujë dy termocentrale me qymyr që prodhojnë pothuajse të gjithë energjinë elektrike të vendit, tha kryeministri Albin Kurti, duke fajësuar atë që ai e quajti “një akt terrorist” nga Serbia fqinje, raporton CNN.

Nuk pati raportime për të lënduar dhe shkaku i shpërthimit, i cili gjithashtu ndikoi në furnizimin me ujë të pijshëm, nuk ishte i qartë. Zyrtarët serbë nuk iu përgjigjën kërkesave për koment dhe Reuters nuk gjeti prova të menjëhershme për përfshirjen e Beogradit.

“Ky është një sulm kriminal dhe terrorist me qëllim të shkatërrimit të infrastrukturës sonë kritike”, tha Kurti në një fjalim televiziv.

Ai tha se një pjesë e vendit mund të jetë pa energji nëse problemi nuk zgjidhet deri në mëngjes.