Tottenham Hotspur është eliminuar nga Liga e Kampionëve, pasi luajti baras me Milanon (0-0), derisa në ndeshjen e parë në “San Siro” kishte humbur me rezultat 1-0.

Trajneri Antonio Conte ka thënë se “Spurs” duhet të punojnë më shumë për të pasur sukses.

“Ky është një ekip që sigurisht duhet të punojë shumë për t’u bërë konkurrues në nivele të rëndësishme. Për mendimin tim, ende kemi një rrugë të gjatë për të bërë. Unë jam këtu që 14-të muaj dhe të mos të harrojmë së vitin e kaluar ne ishim jashtë Ligës së Konferencave nga faza e grupeve. Mendoj se kemi bërë një hap duke u kualifikuar në Ligën e Kampionëve. Luajtëm kundër kampionëve të Italisë, por nuk fituam asgjë. Ne duhet të punojmë më shumë”, ka thënë Conte.