Trajneri i Tottenham Hotspur, Antonio Conte, e ka pranuar se pothuajse është i pamundur që skuadra e tij të kualifikohet në Ligën e Kampionëve sezonin e ardhshëm, pas humbjes 2-0 të dielën kundër Wolves.

“Kur i humb dy ndeshje në shtëpi dhe ndeshjen paraprake kundër Chelseat, një ekip që dëshiron të luftojë për Ligën e Kampionëve, është e pamundur. Problemi është se nuk mund ta blesh mentalitetin fitues. Atë e përçon nga dita në ditë dhe nuk je i sigurt që ndodh kështu sepse ka lojtarë të cilët janë më të hapur dhe e kuptojnë shpejt procesin dhe ka lojtarë të tjerë që kanë nevojë për më shumë kohë për ta kuptuar këtë”, ka deklaruar Conte.