Trajneri i Interit, Antonio Conte ka thënë se skuadra e tij është në rrugën e duhur, pavarësisht humbjes 3-2 kundër Real Madridit në një ndeshje vendimtare në fazë e grupeve të Ligës së Kampionëve.

“Ky është Interi im, i mirë e i keq. Mendoj se këta hapa nevojiten për t’u rritur dhe nuk e di sa ekipe mund të vijnë këtë në Madrid dhe të luajë një futboll të tillë, duke e barazuar rezultatin në 2-2 edhe pse po humbnim 2-0 falë dy gabimeve tona. Ne madje kishim mundësi të fitonim 3-2”, ka thënë Conte.

“Ne e pranuam golin e tretë dhe rezultatet e ndeshjeve të fundit nuk po u japim lojtarëve të mi atë që ata e meritojnë për përpjekjet e tyre, por ato dëshmojnë se detajet e ndryshojnë ndeshjen”, ka shtuar Conte.