Drejtori i Përgjithshëm i Policisë së Kosovës, Samedin Mehmeti, ka vizituar njësitet policore në terren me qëllim të kontrollimit nga afër implementimi dhe zbatimi i planifikimeve operacionale të Policisë së Kosovës në lidhje me vendimet e fundit të institucioneve të Republikës së Kosovës si dhe respektimin e masave për pandeminë Covid-19.

Policia ka njoftuar se inspektimet e tilla nga menaxhmenti i lartë, eprorët në drejtoritë rajonale si dhe nga Njësia për Inspektim në kuadër të PK-së do të bëhen në vazhdimësi, në të gjitha rajonet e Kosovës, me qëllim të intensifikimit të angazhimeve policore për ruajtjen e shëndetit publik.