Ministria e Shëndetësisë në Shqipëri ka bërë të ditur se në 24 orët e fundit janë kryer 864 testime nga të cilat 152 persona kanë rezultuar pozitivë me Covid.

Ndërkohë, në 24 orët e fundit kanë ndërruar jetë edhe dy persona. Aktualisht në Spitalin Infektiv dhe në “Shefqet Ndroqi” janë duke u trajtuar 137 pacientë të konfirmuar pozitivë me Covid-19, prej tyre 24 në terapi intensive, nga të cilët shtatë pacientë janë të intubuar.