Një nga bankat më të mëdha zvicerane, Credit Swiss, ngriu rreth 5 miliardë franga zvicerane të fondeve në llogaritë që lidhen me Rusinë, në mënyrë që të shmangin dënimet e mundshme nga SHBA-ja.

“Credit Suisse bashkëpunon me rregullatorët ndërkombëtarë kudo që biznesi punon për të siguruar përputhjen me sanksionet, duke përfshirë respektimin e sanksioneve që përfshijnë Rusinë”, tha zëdhënësja e bankës, duke mos treguar se kush zotëron paratë e ngrira, transmeton Reuters.