Virgil van Dijk ka dëshmuar në këtë sezon se është i pakonkurrencë në pozicionin e tij, ndërsa Liverpooli rrezikon ta humbet atë.

Ish-sulmuesi i Premierligës, Garth Crooks, ka thënë se mbrojtësi holandez mund të largohet nga të kuqtë nëse nuk e fiton Premierligën. “Van Dijk nuk ka fituar një trofe të madh në karrierën e tij, andaj dëshiron ta bëjë këtë sa më shpejt të jetë e mundur, pasi vërehet se është i etur për trofe. Barcelona dhe Real Madridi do të tentojnë ta transferojnë atë, duke parë cilësitë që i ka. Van Dijk me shumë gjasë nuk do ta refuzojë kalimin te njëra prej tyre, pasi e di se mund të fitojë Ligën e Kampionëve ose La Ligën”, ka thënë Crooks.

“Liverpool mund t’u bëjë ballë ofertave të Real Madridit apo Barcelonës, andaj Virgil mund të transferohet në Spanjë”, ka shtuar Crooks.