Mbrojtësi i skuadrës së Dritës, Ardian Cuculi, ka thënë se katër skuadrat e para në IPKO Superligën e Kosovës në futboll janë në garën për titull e kampiones.

“Jo vetëm Ballkani, por aty janë dhe Prishtina e Gjilani bashkë me Dritën. Besoj se këto katër ekipe deri në fund do të zhvillojnë një luftë të madhe për titull. Orari është i njëjtë për të gjitha ekipet, në fakt ekipi që do të fitoj titullin duhet të fitoj në çdo ndeshje ose të futet me bindjen se do të fitojë ndeshjet pavarësisht se luan si mysafir apo si vendas”, ka thënë Cuculi.