Golden State fitoi me rezultat 123-116 në fushën e Lakersave, në një përballje mes dy ekipesh që luftojnë për titullin në NBA. Stephen Curry me 38 pikë ishte lider në fushë për Warriors, mbështetur edhe nga Podziemski me 28 pikë.

Ndërsa 33 pikët e James dhe 31 të Reaves nuk mjaftuan për Lakersat. Jashtë fushe fiton edhe Milwaukee, që mundi me shifrat 126-113 Philadelphian. Protagonist ishte Antetokounmpo, me një “triple double” (35 pikë, 17 rebound, 20 asistime). Zhgënjen skuadra e Toronto, që në fushën e saj u mund me rezultat 112-103 nga Portlandi, ndeshje ku diferencën e bëri Sharpe me 36 pikë.

Ndalet pas gjashtë fitoresh skuadra e Miamit, që u mund me rezultat 110-108 në fushën e saj nga Memphisi. Ja Morant me 30 pikë u dallua për miqtë, ndërsa 35 pikët e Tyler Herro për Miami mbetën për statistikë. Fiton edhe Minnesota, 105-90 ndaj Brooklynit, sfidë ku Anthony Edwards realizoi 28 pikë.

Rezultatet

Philadelphia – Milwaukee          113-126
Washington – Orlando                97-109
Brooklyn – Minnesota                 90-105

Miami – Memphis                       108-110
Toronto – Portland                      103-112
Lakers – Golden State                 116-123