Botërori i basketbollit i zhvilluar në Kinë ishte një dështim për kombëtaren amerikane që e mbylli këtë turne në vendin e shtatë.

Shumë nga yjet e NBA-së nuk morën pjesë në këtë turne për kombëtaren amerikane. Mes tyre mungoi edhe Stephen Curry (Golden State), që në një intervistë për ESPN konfirmoi se pas një viti do të jetë në kombëtare me një mision të qartë.

“Plani im është të luaj në Lojërat Olimpike. Shpresoj të mos dëmtohem apo të mos ketë faktorë të tjerë që të ma ndalojnë pjesëmarrjen. Gjithsesi, në Tokio dua të jem. Kam fituar dy medalje të arta në Botërore, por nuk kam luajtur asnjëherë në Olimpiadë dhe është një përvojë që dua ta provoj. Pavarësisht asaj që ndodhi në Pekin, jemi ende më të mirët. Do ta tregojmë pas një viti”, ka thënë Curry.