Kombëtarja e Shqipërisë do t’i zhvillojë dy ndeshje shumë të rëndësishme në muajin tetor për kualifikimet e Kampionatit Botëror “Katari 2022”.

Kuqezinjtë do të përballen me Hungarinë në udhëtim, pastaj do ta presin Poloninë në “Air Albania Stadium”. E tanimë kanë dalë në shitje biletat për ndeshjen më të rëndësishme të kësaj kampanje kualifikuese ndaj Polonisë.

Ky takim do të zhvillohet më 12 tetor me fillim nga ora 20:45 në “Air Albania” në Tiranë.

Federata Shqiptare e Futbollit tanimë ka nxjerrë biletat në shitje, ku më e lira kushton 1 000 lekë apo 8 euro. Ndërkohë janë plot 12 sektorë në stadiumin ‘Air Albania’ ku janë nxjerrë biletat në shitje. Bileta më e shtrenjtë mbetet ajo e Vip 1 që kushton 18 000 lekë apo 148 euro.