Shqipëria e pret në shtëpi Hungarinë të dielën me fillim nga ora 18:00. Kjo përballje luhet në kuadër të raundit të pestë të kualifikimeve për Kupën e Botës ‘Katar 2022’.

Federata e Futbollit të Shqipërisë ka hedhur në shitje biletat të cilat mund të blihen edhe online.

Ndërsa do të shiten edhe në Tiranë pranë dyqanit zyrtar të FSHF-së te stadiumi kombëtar “Air Albania” dhe te biletaria e stadiumit “Selman Stërmasi”. Ato mund të gjenden gjithashtu në biletarinë pranë stadiumit “Elbasan Arena”.

Çmimi i tyre dallon varësisht nga tribuna, çmimi më i lirë është në tribunën G2 dhe C2 1000 lekë ndërsa bileta VIP kushton 15000 lekë. Kombëtarja e Shqipërisë synon fitore në këtë duel që të mbetet më shpresa për kualifikimin në Kampionatin Botëror.