Dukagjini i Klinës në rrethin e parë kualifikues të Ligës së Konferencës e mposhti mbrëmë FC Europa (2-1), në ndeshjen e zhvilluar në stadiumin “Fadil Vokrri”.

Trajneri i Dukagjinit, Armend Dallku ka thënë se nuk ishte i kënaqur me paraqitjen e skuadrës së tij.

“Nëse them se jam i kënaqur gënjej. Nuk jam i kënaqur. Kishim shumë mundësi për ta thelluar rezultatin. Në momentin kur nuk duhej, ne pranuam gol. Ne jemi më lart se kundërshtari, por disa lojtarë nuk ishin në elementin e tyre. I uroj të gjithë adhuruesit e Dukagjinit dhe gjithë Kosovës për këtë fitore”, ka thënë Dallku.

Ndeshja e kthimit do të zhvillohet pas një jave në Gjibraltar.