Dardanët e nderuan në “Fadil Vokrri”, reagon Rita Ora
Në stadiumin “Fadil Vokrri” të shtunën u zhvillua ndeshja në mes të Kosovës dhe Zvicrës e vlefshme për kualifikim në “Euro 2024”, e cila përfundoi në rezultar 2-2.
Në tribunë, tifozët Dardanë kishin përgatitur një koreografi për të nderuar lojtarët e Kosovës, policët, ushtarët dhe mjekët.
Ndërsa në krye të banerit gjigant ishte vendosur ylli shqiptar me famë botërore, Rita Ora, me shallin me flamurin e Kosovës – nga sekuencat e klipit të famshëm “Shine Ya Light”.
Fillimisht ajo rishpërndau një fotografi të një faqeje fansash të Përfaqësueses së Kosovës, ku shkruhej: “Prezenca e saj na solli neve fat”.
Rita Ora përndryshe që nag dita e saj e parë e debutimit në tregun ndërkombëtar të muzikës, e ka cekur me krenari origjinën e saj, duke i dedikuar këngë shtetit të vet, gjersa edhe ka kënduar falas në një koncert gjigant të organizuar në 10 Vjetorin e Pavarësisë, më 17 shkurt 2018.
