Përfaqësuesja U21 e Kosovës në hendboll nuk ka pasur paraqitje të mirë të mërkurën në mëngjes në Kampionatin Botëror të juniorëve në Spanjë.

Në ndeshjen për plasman, Kosova ka humbur nga Argjentina me rezultat 36:29. Pas pjesës së parë rezultati ishte 18:13 për argjentinasit. Kosova vazhdimisht ka qenë në ndjekje të rezultatit, ndërsa epërsia e argjentinasve është rritur vazhdimisht. Përpjekjet e “Dardanëve” për të barazuar rezultatin dhe për të kaluar në epërsi nuk ishin të suksesshme. Fare pak gjëra kanë funksionuar në lojën e Kosovës. Kishte gabime teknike, gjuajtje që nuk përfunduan me gol e poashtu lëshime në mbrojtje. Kjo ndeshje i shërben Kosovës vetëm si përvojë në ngjarjen e madhe ku Kosova garon për herë të parë.

Tani Kosova U21 e ka edhe një ndeshje përfundimtare për plasman, të enjten ndaj Australisë.

Kosova – Argjentina 29:36 (13:18)

Kosova: Luzha, Gubetini, Dugolli 1, Abazi, Bajqinovci, Shabani 3, Avdulli, Tahirukaj 7, Mustafa 2, Beqiraj, Muqolli 6, Xhafolli 3, Basholli 3, Halili 3, Dalladaku.