Ish-deputeti i Kuvendit të Kosovës dhe zyrtari i lartë i AAK-së, Daut Haradinaj, ka theksuar se figura e Isa Boletinit mbetet e pakrahasueshme në historinë tonë kombëtare në shekullin 19-20.

“Para 108 vitesh vritet nga tradhtia kolosi kombëtar, Isa Boletini, vet i 8-ti. Si 51 vjeçar arriti ta thejë mitin e të pathyeshmëve për bashkimin e tokave shqiptare. Figura e tij mbetet e pakrahasueshme në historinë tonë kombëtare në shekullin 19-20”, ka shkruar Haradinaj në “Facebook”.