Daut Haradinaj: Nëse nuk e duan president Ramushin, edhe zgjedhjet janë zgjidhje
12 tetor 2020
| 21:59
Daut Haradinaj ka thënë se nëse nuk përkrahet Ramush Haradinaj për president nga partitë tjera, AAK-ja do të dalë në zgjedhje.
Shefi i Grupit Parlamentar të AAK-së, Daut Haradinaj, ka thënë në emisionin Pressing në T7 se nëse partitë tjera nuk e përkrahin kandidaturën e Ramush Haradinaj për president atëherë AAK-ja do të dalë nga Qeveria Hoti.
“Tema e presidentit ka dalë pasi kështu janë kushtet. Ne nuk duam ta imponojmë atë. Askush nuk e ka postin e presidentit me tapi. Por nëse nuk përkrahet Ramushi për president, edhe zgjedhjet janë zgjidhje”, ka thënë ai.