Gjenerali dhe politikani Daut Haradinaj ka uruar shqiptarët për 28 Nëntorin – Ditën e Flamurit.

Ai përmes një video të publikuar në “Facebook” ka thënë se 28 Nëntori është festë e shumëfishtë, pasi për të është një ndjenjë e veçantë, dalja publike e Ushtrisë Çlirimtare të Kosovës, ditëlindja e heroit Mujë Krasniqi dhe ditëlindja e komandantit legjendar Adem Jashari.

“Të nderuar bashkëkombës sot jemi më 28 nëntor në festën e shumëfishtë, Festën e Flamurit. Andaj me këtë rast dëshiroj për t’ua uruar krejt kombit shqiptar kudo që janë në glob. Natyrisht kjo është ndjenjë e veçantë, edhe për një arsye shtesë për mua; është dalja publike e Ushtrisë Çlirimtare të Kosovës, është edhe ditëlindja e Mujë Krasniqit, i cili sot është hero, është edhe ditëlindja e komandantit legjendar Adem Jashari, por është edhe ditëlindja e gjithë heronjve të kombit që e dhanë jetën që ne për ta shijuar këtë ditë. Urime të gjithëve”, ka uruar Daut Haradinaj.