Kandidati për kryetar të Prishtinës nga AAK-ja, Daut Haradinaj përmes një postimi në llogarinë e vet në “Facebook” i ka uruar të gjithë besimtarët islamë për muajin e shenjtë të Ramazanit.

Haradinaj ka uruar që në këtë muaj të shenjtë të mbretërojë akoma më shumë ndjenja e humanizmit, dashuria e solidariteti në çdo familje, duke iu uruar të gjithëve agjërim sa më të lehtë.

Postimi i plotë i tij:

Të nderuar qytetarë të Kosovës,
besimtarë të besimit islam.

Urime muaji i shenjtë i Ramazanit, muaj që simbolizon mëshirë, sakrificë, solidaritet, paqe e begati.

Uroj që në këtë muaj të mbreterojë akoma më shumë ndjenja e humanizmit, solidariteti e dashuria në çdo familje.

Agjerim të lehtë!