Nënkryetarja e Lidhjes Demokratike të Kosovës, Doarsa Kica-Xhelili bashkë me anëtarët e Kryesisë, Muhamet Hamiti dhe Alush Gashi takuan Sekretarin e Jashtëm të Mbretërisë së Bashkuar, David Lammy.

Gjatë takimit u diskutua mbi zhvillimet aktuale politike në vend dhe qëndrimet e LDK-së karshi këtyre çështjeve.

LDK-ja mirëpret emërimin e ambasadores Karen Pierce si e Dërguar e Posaçme për Ballkanin Perëndimor.

Lidhja Demokratike e Kosovës vlerëson dhe falënderon Mbretërinë e Bashkuar për përkrahjen e vazhdueshme në proceset e shtetndërtimit të Kosovës.