Kontrata e tij me Manchester United ka përfunduar, por kur të gjithë prisnin një rinovim të tijin, papritur të gjitha letrat kanë ndryshuar në tavolinë.

Oferta që portieri spanjoll priste dihej se do të ishte më e vogël sesa 375 mijë paundët në javë që fitonte deri pak ditë më parë, por që t’i ulej trefish.

Kështu që për De Gean me “Djajtë e kuq mund të quhet një aventurë e mbyllur dhe tashmë ai është i hapur për oferta të reja, ku në plan të parë, siç është bërë e modës tashmë, Arabia Saudite është e para në radhë për të vetët yjet e Evropës.

Dhe sipas raportimeve të “The Sun”, De Gea ka marrë menjëherë ofertën nga Al Nasr, e cila i garanton atij që të ribashkohet me Cristiano Ronaldon. Madje, klubi aziatik është gati që të shkojë deri në 2 milionë euro në muaj për të pasur në skuadër De Gean, e cila do të thotë gati dyfishi i asaj që ai fitonte te Manchester United dhe kjo shifër po e josh shumë, lojtarin që këtë fundjavë vendosi edhe të martohej pas një lidhje shumë të gjatë.