Portieri i Manchester Unitedit, David de Gea thotë se nuk e sheh vetën larg “Old Trafford”.

Spanjolli në vitet e kaluara ka qenë i lidhur me largimin nga “Djajtë e Kuq”, por gjithmonë refuzoi ofertat duke i qëndruar besnik klubit anglez.

“Tani ndjehem si të jem nga Manchesteri, sinqerisht nuk e shoh vetën larg Unitedit. Ndihem si të gjithë të tjerët. Kur je i dashur dhe i mirëpritur është shtëpia jote, kam qenë këtu që disa vite”, ka thënë De Gea për “UEFA”-n.

Ndërkohë, De Gea me shumë gjasë do jetë titullar në përballjen ndaj Atletico Madridit në Ligën e Kampionëve, sfidë që zhvillohet këtë të mërkurë.